زهقتى من العشاء العشوائى !

يوميا تحضري العشاء

يوم بيض وفول وجبنه ولنشن
يوم شكشوكه وفول وجبن برضووووو

يوم...............بصوووووو بأه اناكنت في يوم زهقت بصراحه من الشغلانه دي

فجربت اللي هقلكم عليه لانها سهله جدا

المكونات

كيس عيش صامولي او صاموني زي مابيسموه هنا في الامارات

كيس جبنه موتزاريلا او علبه جبنه شيدر كرافت انا استخدمها وابشرها

2معلقه صلصه

2 بصله مبشوره

3 معالق زيت زيتون
فرشاه لدهن زيت الزيتون( او عادي ادهينيه بمعلقه)
كبشه لحمه مفرومه او صدر دجاج مقطع مربعات مستوي او ربع كيلو جمبري مقطع اي حاجه تحبيها

2 معلقه زيت
ربع كوب ماء
زيتون اسمر

الطريقه

تقطعي كل رغيف صامولي بلسكين لقطعتين بلطول كأنك بتعملي ساندوتش بس تفصلي الجزئيين عن بعض

تشوحي البصل في الزيت على النار لحد مايدبل وتحطي عليه الجمبري او المفروم او الفراخ وتحطي عليهم الصلصه والماء وتتركيهم يستوو شويه مع بعض

حطي ملح وفلفل حسب الرغبه

ادهني الأرغفه المقسومه من الداخل بزيت الزيتون على لباده الرغيف

ضعي الصلصه بمكوناتها على الرغيف بحرص حتى لا يسيل شيء للخارج

ضعي الزيتون ورشي الموتزاريلا وادخيلها الفرن على صاجه


تشغلي الفرن من تحت وتحطي فيه الصاجه وخليه يبقى ساخن


تابعيها بعد عشر دقائق عند لمس الرغيف لتجديه بدا يتحمص كده

والموتزاريلا ساحت من فوق

اطفي عليه من تحت وشغللي من فوق لحد ماتحمر الجبنه والصلصه كده على خفيف

خرجيهم على طبق وقديمها ساخنه مع اي عصير فريش او معلب

وممكن جنبها طبق سلطه

يسلمووا على المووضووع النايس

مشكور